سعودی عرب میں ووکیشنل اور ٹیکنیکل ٹریننگ کے قومی ادارے نے 9 ماہ کے دوران 80 ہزار نوجوانوں کو روزگار کے مواقع فراہم کئے ، ترجمان

سعودی عرب میں ووکیشنل اور ٹیکنیکل ٹریننگ کے قومی ادارے نے رواں سال کے ابتدائی 9 ماہ کے دوران 80 ہزار سے زیادہ سعودی نوجوانوں کو روزگار کے مواقع فراہم کئے ہیں۔
اردو نیوز رپورٹ کے مطابق ادارے کے ترجمان فہد العتیبی نے بتایا کہ ایک مربوط پروگرام کے تحت نوجوانوں کو روزگار فراہم کرنے کے لیے کام کیا جارہا ہے ۔ادارہ ٹریننگ ڈپلومہ کرنے والے سعودی نوجوانوں کو روزگار فراہم کرنے کےلیے منصوبہ بندی سے کام کر رہا ہے ۔انہوں نے کہا کہ کالجز اور انسٹی ٹیوٹس کے درمیان تعاون سے ایسے کورس کرائے جاتے ہیں جن میں مہارت رکھنے والوں کی لیبر مارکیٹ میں ضرورت ہے ۔
انہوں نے کہا کہ ان کے ادارے نے ووکیشنل اور ٹیکنیکل ٹریننگ لینے والے طلبہ کو روزگارکی فراہمی کےلیے پرائیویٹ سیکٹر کے اداروں کے ساتھ مفاہمت کی ایک سو یادداشتوں پر دستخط کئے ہیں ۔علاوہ ازیں مملکت کے مختلف علاقوں میں 337 روزگار پروگرامز پر عملدرآمد کیا گیا ہے۔

بشکریہ: اے پی پی